As Brigadas deseucaliptizadoras, organizadas por Verdegaia, coordenan accións de voluntariado ambiental en colaboración con titulares de terrenos con valores ambientais degradados ou ameazados pola eucaliptización e outras especies exóticas invasoras. Mediante erradicación destas especies e substitución por autóctonas de alto valor ambiental co obxectivo de que as zonas intervidas non volvan arder e que axuden como zonas protectoras, servindo como cortalumes verdes e corredor de biodiversidade.
Contribución ao proxeto de deseucaliptización das comunidades de montes e terrenos apoiados polo voluntariado das Brigadas Deseucaliptizadoras creadas por Verdegaia. Os fondos recadados para o proxecto son destinados á compra e adquición de árbores autóctonas (1,5 a 3€) e as ferramentas para o traballo no monte: desbrozadoras, serras eléctricas, fouces, machados, tesouras, luvas, enxadas... (até 150-300€). Puntualmente é necesario contratar o traballo de un tractor para recoller a leña . Axúdanos con 1€/mes, ta túa colaboración é imprescindíbel para o traballo das Brigadas!
Publicado em
02/12/2019
Página web:
https://linktr.ee/verdegaiagz
25-26 de outubro: o Barbanza acolle o proxecto “De monte a monte” en Baroña e Froxán
Dous días de eliminación de invasoras, formación e convivio con comunidades e voluntarias da Galiza e Portugal nun novo encontro transfronteirizo
Logo da expedición das Brigadas á Serra da Estrela en abril/maio deste ano, desta volta tócanos facer de anfitrioas, acollendo as nosas parceiras de Figueiró da Serra, que nos devolven a visita o sábado 25 e o domingo 26 de outubro. Para iso, temos preparado un programa de actividades que se desenvolverán nos montes veciñais de Baroña (Porto do Son) e Froxán (Lousame).
As actividades forman parte do proxeto transfronteirizo Eramus+ “De monte a monte: territórios resilientes” promovendo os intercambios de traballo, formación, cultura e convivio entre iniciativas de combate ás espécies exóticas invasoras e á construción de territorios resilientes na Galiza e Portugal, xunto coas entidades parceiras Montescola (Gz) e Veredas da Estrela (Pt).
Programa
Sábado 25 (Baroña)
09:30 | Voluntariado (eliminación e rebrotes de eucalipto e acacia) e visita ao monte
14:00 | Albaroque na Casa Forestal de Baroña
16:30 | Visita ao Castro de Baroña e Praia de Area Longa
19:00 | Sesión de debate intercomunitario
21:00 | Cea (opcional)
Domingo 26 (Froxán)
10:00 | Voluntariado/formación (poda) e visita ao monte
14:00 | Albaroque
É posíbel apuntarse á actividade do sábado, á do domingo ou a ambas, mais é preciso indicar claramente no email. Tamén precisamos saber de antemán se tedes algunha restrición alimentaria e, no caso de vir no sábado, se ficaredes á cea. En todos os casos, a inscrición finaliza o mércores 22 de outubro (prazas limitadas).
Para vos apuntardes debedes enviar email a info@montescola.org. Pídese compromiso de participación para quen se inscriba para non malgastar recursos valiosos á hora de preparar a comida.
Existe a posibilidade de acampar en exterior na zona da Casa Forestal de Baroña, que dispón de baños e aseos.
VÉMONOS NO MONTE !!!
https://www.verdegaia.org/wp/25-26-de-outubro-de-monte-a-monte-baronha-froxan/
0 Comentários
Buenas. Acabo de unirme al grupo y veo que no hay modo de hacer aportaciones extraordinarias más allá del consabido euro. Me dirijo al Team Manager para preguntarle si habéis contemplado esta posibilidad y habilitado algún medio de concretarla. Gracias, un saludo y mucho ánimo. Gran labor!
4 Comentários
Data de publicação
10/12/2018
Criado por
Verdegaia
Tipo de Grupo
ONG
Âmbito
Ambiente
País
Espanha
Copia e cola o URL
https://www.teaming.net/brigadasdeseucaliptizadoras
