Arraianas

Arraianas é unha asociación sen ánimo de lucro que traballa en prol da xustiza social e polo cumprimento dos dereitos humanos. Somos Arraianas porque entendemos a fronteira como un espazo de confluencia. Un lugar permeable no que se producen movementos de persoas, intercambios culturais, de saberes e de experiencias. Así, a fronteira convértese nun tránsito fluído no que o mutuo recoñecemento das persoas potencia a súa capacidade transformadora. www.arraianas.org

Progetto che sosteniamo

Atención integral a cidadanía migrante.

Asociación Arraianas

Traballamos pola consecución dos dereitos inalienables da cidadanía estranxeira e en situación de vulnerabilidade, a través da prestación de apoios e servizos profesionais especializados que conforman unha atención integral en diversas áreas (social, psicolóxica, xurídica, etc.). En Arraianas temos poucos fondos propios que nos permitan moitas veces afrontar gastos non subvencionados polas administracións como poden ser algúns materiais en actividades específicas ou mesmo unha baixa laboral.